میلاد النبی کی محفل میں اجتماعی دعا کو بہت باعث برکت اور مقبول سمجھا جاتا ہے۔ کیونکہ یہ وہ محفل ہے جس میں اللہ تبارک و تعالی کی حمد و ثناء  ،  ذکر و عبادت ،  اللہ کے حضور توبہ استغفار ،  اس کی تسبیح  کے ساتھ ساتھ  اس کے محبوب صلی اللہ علیہ وسلم کی  مدح سرائی اورآپ پرصلوٰۃ و سلام  کا خاص اہتمام ہوتا ہے۔     بےشک یہایسے اعمال صالحہ ہیں جو اللہ تبارک وتعالیٰ کی بارگاہ میں قبولیت پاتے ہیں۔

بلاشبہ حضرت محمد صلی اللہ علیہ وسلم ،اللہ تعالیٰ کی ساری مخلوق میں کامل ترین ،  سب پر فائق اور  اللہ  کے حبیب  ہیں     اسی لئے افضل المخلوقات اوراشرف الکائنات ہیں۔  چونکہ ہم مسلمان آپ صلی اللہ علیہ وسلم کی ذات کو  اللہ تعالی کی  ایک عظیم نعمت مانتے ہیں اور اسی نعمت کا  شکر ادا کرنے کے لئے محافل میلاد النبی منعقد کرتے ہیں۔ جس میں وہ اپنی دعائیں اور التجائیں اللہ رب العزت کے سامنے پیش کرتے ہیں۔ اللہ تعالی کی نعمتوں کی معارفت حاصل کرنا  اور پھر ان نعمتوں پر شکر  ادا کرتے ہوئے دعا  مانگنا  قرآن پاک سے ثابت  ہے جس کی ہم  نےمندرجہ ذیل  حصےمیں وضاحت کی ہے ۔

دعاکو عبادت کامغزاور جوہر کہا گیا ہے اور دعا کرنا انبیائے کرام کی سنت ہے ۔ہر نبی نے ہر حال میں دعا کی ہے قرآن مجید میں انبیائے کرام کی بہت سی دعائوں کو محفوظ کیا گیا ہے۔

ہم قرآن مجید  کی چند منتخب آیات بیان کر یں گے  ورنہ قرآن مجید میں بے شمار ایسے مقامات ہیں جہاں اللہ تعالیٰ نے اپنے محبوب اور مقرب بندوں کے تذکروں کے ساتھ ساتھ ان کی دعاؤں اور مناجات کے کلمات۔ جن سے وہ اللہ کو پکارتے تھے ۔ بھی من و عن بیان کر دیے، ان کی عبادت گاہوں اور ان کے خاص اَوقاتِ دعا، اَندازِ دعا اور مقاماتِ دعا و گریہ تک بیان فرما دیئے۔

قابل غور واقعہ:

 حضرت مریم علیھا السلام  کو  اللہ رب العزت  کا بے موسم پھل عطا فرمانا  اور پھر حضرت زکریا علیہ السلام کا  اللہ رب العزت سے اولادِ نرینہ کی دعا کرنا اور اور اللہ تبارک و تعالیٰ  کا  انہیں حضرت یحییٰ علیہ السلام کی بشارت عطا فرمانا۔  یہ حسین  تذکرہ  قرآن مجید   میں اللہ رب العزت نے بیان فرما کر،  امتِ مسلمہ کو کو بتایا کہ یہ واقعہ کتنی اہمیت کا حامل ہے۔

 ارشادِ باری تعالیٰ ہے:

اس پر حضرت زکریا علیہ السلام نے حضرت مریم علیھا السلام کےحجرۂ  میں کھڑے کھڑے  ایک دعا فرمائی ۔  اس منظر  کو بیان کرتے ہوئے اللہ رب العزت نے ارشاد فرمایا :

اس  قرآنی واقعہ میں غور طلب بات یہ ہے کہ حضرت زکریا علیہ السلام کو  جیسے ہی  اللہ تعالی کی طرف سے حضرت مریم  علیہ السلام کو بے موسمی  پھلوں جیسی نعمت عطا کرنے کی معرفت حاصل ہوئی تو فوراً  حضرت زکریا علیہ السلام نے اللہ تعالی سے اولاد نرینہ کی دعا مانگی۔

اسلئےہم مسلمانوں کو چاہیے کہہم  اللہ تعالی کی عظیم نعمت  جو ذات رسول  کی صورت میں ہم کو ملی، جس سے بڑھ کر کوئی نعمت نہیں اس نعمت کے شکرانے کے لئے ہم محفل منعقد کر کے آپ صلی اللہ علیہ وسلم کی ذات کی معرفت حاصل کریں  ۔

اور  ساتھ ساتھ حضرت زکریا علیہ السلام  کی سنت پر عمل کرتے ہوئے اس محفل میں نعمت  کی معرفت  پر اللہ پاک کی رحمت کی امید رکھتے ہوئے    خلوص دل سے دعا بھی کریں۔

 اس  خلوص دل  سے جیسے درج ذیل  آیات میں اللہ پاک نے فرمایا کہ   اللہ  کو پکارو  ، اللہ سے ڈرتے ہوئے اور  اللہ کی رحمت کی امید رکھتے ہوئے ۔  بے شک ہمارا  رب دعا خوب سننے والا ہے۔

اس محفل میں خاص طور پر رسول اللہ صلی اللہ علیہ وسلم کی  معرفت، محبت اور قربت   پانے کی دعائیں کی جاتی ہیں  ۔ یہ دعائیں نہ صرف محفل میں موجود مسلمانوں کے لیے بلکہ پوری امت کے  لیے کی جاتی ہیں تاکہ  اللہ کریم   ان پر سے تمام مصائب و غم کو دور کرے ۔  نعمت  کی معرفت  کے موقع پر یہ   دعائیں اس یقین کے ساتھ   کی جاتی  ہیں  کہ اللہ پاک انہیں ضرور قبول فرمائے گا ۔

سرکار دو عالم صلی اللہ علیہ واٰلہ وسلم نے زندگی کے ہر عمل میں دعا کرنے کا حکم دیا ہے۔

حضرت ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: اللہ کے یہاں دعا سے زیادہ کوئی عمل عزیز نہیں ہے (ابن ماجہ ۔ باب فضَل الدُعاء)

ابن عمر رضی اللہ عنہما کہتے ہیں کہ  رسول اللہ ﷺ نے فرمایا: دعا موجودہ اور آئندہ آنے والی ہر قسم کی مصیبت میں فائدہ دیتی ہے، اس لیے اللہ کے بندو! دعا  لازمی کیا کرو) ترمذی، حاکم(

دُعا کے شروع میں اللہ تعالیٰ کی حمدوثنا کرنا اور رسول اللہ صلی اللہ علیہ وسلم  پردرود بھیجنا۔ حضوراکرم صلی اللہ علیہ وسلم   نے ارشاد فرمایا کہ تم میں سے جب کوئی دُعا مانگے توپہلے اللہ تعالیٰ کی بزرگی وثنا سے دُعا کا آغاز کرے پھر مجھ پردرود بھیجے، پھر جو چاہے مانگے۔ (ترمذی) حضرت عمر فاروق رضی اللہ عنہ نے فرمایا کہ دعا آسمان وزمین کے درمیان معلق رہتی ہے یعنی درجۂ قبولیت کو نہیں پہنچتی جب تک کہ رسول اللہ صلی اللہ علیہ وسلم  پر درود نہ بھیجے۔ (ترمذی)

حضرت ابوامامہ رضی اللہ عنہ بیان کرتے ہیں کہ اُنہوں نے بارگاہِ رِسالت مآب صلی اللہ علیہ وآلہ وسلم میں عرض کیا : یا رسول اﷲ! آپ کی نبوتِ مبارکہ کی شروعات کیسے ہوئی؟ حضور نبی اکرم صلی اللہ علیہ وآلہ وسلم نے فرمایا :

اس حدیث میں رسول اللہ صلی اللہ علیہ وسلم نے اپنی ولادت کو حضرت ابراہیم علیہ السلام کی دعا بتایا ہے اور حضرت عیسی علیہ السلام کی بشارت یعنی خوشخبری، جیسا کہ تمام انبیاء نے اپنی اپنی امت کو آپ صلی اللہ علیہ وسلم کی آمد کی ہمیشہ خوشخبری سنائی ہے۔

خلاصۂ کلام یہ ہے کہ  اللہ کی نعمتوں اور دعاؤں کا آپس میں بہت گہرا  تعلق ہے ، دعا مظہر عبدیت اور ایک اہم عبادت ہے۔ دعا مضطرب قلوب کے لئے سامان سکون، گمراہوں کے لئے ذریعۂ ہدایت، متقیوں کے لئے قرب الٰہی کا وسیلہ اور گناہگاروں کے لئے اللہ کی بخشش ومغفرت کی بادِ بہار ہے۔ اس لئے ہمیں اللہ تعالی کی اس عظیم نعمت کی معارفت حاصل کرنا  اور پھر اس نعمت پر شکر  ادا کرتے ہوئے دعا  مانگنے میں ہرگز کاہلی وسستی نہیں کرنی چاہئے، ورنہ یہ بڑی محرومی کی بات  ہوگی۔

مسلمانوں کا دینی  مجالس اور محفل میں دعا کرنا  ہمیشہ سے رائج رہا ہے ، میلاد النبی کی محافل میں بھی دعا کرنا کئی سو سال سے ثابت ہے۔ یہاں پر اختصار کے ساتھ صرف ایک واقعہ بیان  کیا گیا ہے کیونکہ کہ میلاد شریف کا تاریخی پس منظر الگ سیکشن میں آگےچل کرآئے  گا ۔انشاءاللہ

اِمام محمد جار اﷲ بن ظہیرہ حنفی (م 986ھ) اہلِ مکہ کے جشنِ میلاد کے بارے میں لکھتے ہیں :

پھر ایک عالم دین وہاں خطاب کرتا ہے اور اس سلطنتِ شریفہ کے لیے دعا کرتا ہے

---